“Üzən” yollar - Yağış yudu, gün qurutdu
Günlərdir davam edən yağışlardan sonra bu gün Bakıda günəşli havadır. Əslində bütün yayını quraqlıqda keçirən Bakının son intensiv yağışı özü ilə bir çox problemləri yenidən gün üzünə çıxardı. Yəni necə deyərlər yağış yağdısa da, çatlar örtülmədi. Çatdan söz düşmüşkən paytaxt yollarının yağış sularına dözümsüzlüyündən çat verməsi Bakının ənənəvi probleminə çevrilib artıq. Eyni ilə əsas küçələrdə drenaj sisteminin işləməməsi kimi. Təbiət öz işini görür, bəs biz niyə işləmirik?
Aktual sualdır. Di gəl ki,cavab tapa bilsək. Sosial şəbəkələri titrədən subasmış ərazilərdə bu gün hansı işlər görülüb bilmirəm.Gördüyüm odur ki, sel sularına qərq olan mərkəzi yolları günəş qurudub. Necə deyərlər yağış yudu, gün qurutdu. Bəs sonrası? Yağış yenə yağacaq axı. Arxasınca ağ qar da gələcək. Aidiyyatı qurumlar necə, üzümüzü qara edən bu problemlərə bir əncam çəkəcəkmi? Müşkül məsələyə oxşayır. O səbəbdən ki, bugünkü Bakının gözəlləşməsinin prioritet istiqaməti parklar və ağaclar, gecə bərq vuran işıqların çoxluğudur. Qalanı isə olmasa da olar. Doğrudur Bakıda yol infrastrukturunun inkişafına hesablanmış yeni yollar, körpülər də var. Amma inkişafın özü ilə gətirdiyi problemlər də var axı. Bakıya təkcə yağış deyil, insan seli də axır. Sakinləri kimi nəqliyyat sıxlığı da çoxaldıqca çoxalır, çoxalır. Amma ildən-ilə ötürülən problemlər yerində saymış kimi görünür. Yağış yağır, yollarda gölməçələr, işıqforlar xarab, ucu-bucağı görünməyən tıxaclar, tarıma çəkilmiş əsəblər... və s....və s....
Problemi hamı kimi onu aradan qaldırmağa borclu olan məmurlar da görür. Bəlkə aralarında bu tıxaclarda qalanları da var. Saatlarla tıxacda qaldıqlarından fikirləşməyə vaxtları da olur bəlkə. Sabah ilk işim bu məsələri bu cür həll edəcəm kimi nikbin planlar da cızılmış ola bilər tıxaclarda. Amma hər şey elə orada qalır. İllərin problemini gecə yağışlar yuyur, səhəri gün qurudur.
Əlqərəz, payız mövsümə çox “iddialı” başlayıb. Sinoptiklərin də oktyabr ayı üçün proqnozu artıq məxfi deyil - “Yağıntı aylıq normadan çox olacaq”. Demək ki, yağış sularında hələ çox üzəcəyik. Nikbin olub su aydınlıqdır deyibən , özünüzə təskinlik verməyin. Artıq “içiləndə” dərd verir o da.
Ləman Nürəddinqızı
(səs: 0)
Oxşar:
Şərhlər:
Köşə:
Uşaq götürmək də asanlaşır
18.02.19 | Köşə
Qələbə tariximizi özümüz yazmalıyıq...
30.03.18 | Köşə
Reklam:
Xəbər Lenti:
Ekspress avtobuslar belə işləyəcək
17.10.20 | Cəmiyyət
Yaşı 65-dən yuxarı olanlara TÖVSİYƏ
16.10.20 | Cəmiyyət
Hikmət Hacıyev: "Türkiyənin Ermənistan-Azərbaycan münaqişəsinin həlli prosesindəki vacib rolunu bir daha ifadə etdik"
14.10.20 | Siyasət
Elçin Rüstəmov: "Putinin Corc Sorosun dəstəyi ilə hakimiyyətə gətirilən bütün şəxslərə qarşı necə deyərlər bir növ " allergiyası " var"
12.10.20 | Son Xəbər
Düşmənin Tərtəri atəşə tutması nəticəsində xeyli sayda yaşayış məntəqəsinə ziyan dəyib
12.10.20 | Gündəm
