А вы вкурсе что на FroGik.Ru можно без регистрации абсолютно бесплатно сборники песен скачать. Лучший портал рунета. Все бесплатно и по прямой ссылке!
#EVDƏ QAL,EVDƏ QAL,EVDƏ QAL .

İlham Əliyev: Erməni əsgərlər Azərbaycanın dinc sakinlərini öldürməkdə davam edir

04.10.19 | Bölmə: Son Xəbər » Siyasət | Baxış: 103 | Yazar: Celilova |
İlham Əliyev: Erməni əsgərlər Azərbaycanın dinc sakinlərini öldürməkdə davam edir
 
 
 
 
 
 
 
 Azərbaycan Prezidenti İlham Əliyev bir daha dünya ictimaiyyətinin diqqətini Ermənistan tərəfindən atəşkəs rejimindən istifadə qaydalarının pozulmasına yönəldərək, Soçidə keçirilən "Valday” forumunda bəyan edib ki, erməni əsgərlər Azərbaycanın günahsız dinc sakinlərini güllələməkdə davam edir.  

"Ermənistanın Azərbaycana qarşı hərbi aqressiyası bu gün də davam edir. Dünən münaqişə zonasından uzaq, Azərbaycan Ermənistan sərhədində yerləşən Qazax rayonunun dinc sakini erməni snayperləri tərəfindən öldürülüb. Həmçinin, deməliyəm ki, 2016-cı ilin aprelində hərbi təxribat zamanı aralarında uşağın – qızın da olduğu Azərbaycanın altı dinc sakini öldürülüb”, - Azərbaycan dövlətinin başçısı "Valday” Beynəlxalq Diskussiya Klubunun iclasında vurğulayıb.

İ.Əliyev qeyd edib ki, hazırda Ermənistanın işğal olunmuş torpaqlarında azərbaycanlılar yoxdur, "işğal altındakı ərazilərin böyük hissəsində torpaqlar, evlər, məktəblər, ictimai binalar dağıdılıb”.

"Ermənistan baş nazirinin təəccüblü açıqlamasına toxunmaq istərdim. Təəccüb təkcə Azərbaycandan deyildi, "Valday” forumu çərçivəsində Rusiya Federasiyası tərəfindən də oxşar reaksiya verilib. Beləliklə, bəyanat sözbəsöz belədir: Qarabağ Ermənistanın bir hissəsidir və nöqtə. Birincisi, yüngül desək, bu, yalandır. Qarabağ tarixi əzəli Azərbaycan torpağıdır. Beləliklə, Qarabağ Azərbaycandır və nida işarəsi”, - prezident bəyan edib. 

Xatırladaq ki, Ermənistan Baş naziri Nikol Paşinyan avqustun əvvəlində Xankəndində çıxışı zamanı deyib ki, Dağlıq Qarabağ Ermənistandır. Beləliklə, o, Ermənistan-Azərbaycan münaqişəsinin sülh yolu ilə həllinə dair ATƏT-in Minsk Qrupunun iştirakı ilə 25 ildən bəri davam edən danışıqları kənara qoymağa çalışıb. Bu danışıqlar Ermənistan qoşunlarının bütün işğal olunmuş ərazilərdən çıxarılması və azərbaycanlıların öz yurdlarına qayıtması şərti ilə Azərbaycan Respublikası daxilində Dağlıq Qarabağa yüksək muxtariyyət statusu verilməsini nəzərdə tutur.

Beləliklə, N.Paşinyan 30 il sonra Xankəndində Dağlıq Qarabağı Ermənistana birləşdirməklə bağlı çağırışı təkrarlayıb. Həmin çağırış XX əsrin sonlarında Azərbaycana qarşı müharibə başlanmasına, Azərbaycan ərazilərinin işğalı və bir milyona yaxın azərbaycanlının evlərindən qovulmasına səbəb olub. 

Azərbaycan dövlət başçısının "Valyday” klubunun iclasında çıxışı diqqətəlayiqdir ki, İlham Əliyev aralarında Rusiya, Qazaxıstan, Filippin prezidentləri və İordaniya kralı olan intellektual və idarəedici elita olan auditoriya qarşısında çıxış edib. Bəyanat "Şərqin şəfəqi və dünya siyasi sistemi” mövzulu forumda səsləndirilib. Və demək, Soçidə danışan prezidentlər dünya idarəetmə elitasının bir hissəsidir, fikirləri çox vacib olan güclü dövlətlərin rəhbərləridir.

Yəni, əgər erməni baş nazir daxili auditoriyaya hesablanan populist bəyanatını "yüksək səslə” kənd icması qarşısında edibsə, Azərbaycan prezidentinin buna cavabı elit beynəlxalq forumun səhnəsindən gəlib və bütün beynəlxalq ictimaiyyət tərəfindən dinlənilib. 

N.Paşinyanın ünvanına sərt tənqidlər bundan əvvəl rəsmi Moskva tərəfindən də səsləndirilib. Belə ki, Rusiya Xarici İşlər naziri Sergey Lavrov Soçidə bildirib ki, hazırda Qarabağ münaqişəsi tərəfləri arasında heç bir dialoq yoxdur. O, bu vəziyyətə görə Ermənistanın hazırkı rəhbərliyini günahlandırıb.

"Tərəflər ciddi bəyanatlarla çıxış edir, "Qarabağ Ermənistandır” (N.Paşinyanın sitatı – red.) fikri də səsləndirilib. Bu siyasi prosesin yenidən başlaması üçün şəraitin yaradılmasına kömək etmir. Siyasi proses dayanıb və bu prosesi yerindən tərpətmək alınmır. Əlaqələr var, amma nizamlama ilə bağlı dialoq hələlik bərpa olunmayıb”, - S.Lavrov "Valday” Beynəlxalq Diskussiya Klubunun iclasında çıxışı zamanı deyib və əlavə edib ki, Moskva Qarabağ münaqişəsi zonasında "hər hansı genişmiqyaslı fəaliyyətin” bərpasına imkan verməmək üçün bacardığı hər şeyi edəcək.

Yəni rəsmi Moskva erməni baş nazirin hərəkətindən çaşqınlığını açıq şəkildə bildirir. Heç kimə sirr deyil ki, N.Paşinyana bu gün nə Kremldə, nə də Ağ Evdə üstünlük verilmir. Və erməni baş nazirin "Valday” forumuna çağırılmaması da təsadüfi deyil.

Həftənin əvvəlində V.Putin Avrasiya İqtisadi Birliyinin iclasında iştirak etmək üçün Yerevana gedib. Bir çox media qurumu Rusiya dövlət başçısının N.Paşinyana qarşı soyuq münasibətinin çılpaq gözlə göründüyünü qeyd edib.


скачать dle 10.3фильмы бесплатно
(səs: 0)
Oxşar:
Şərhlər:

Reklam:

Xəbər Lenti:

Bakıda kirayə mənzillər bahalaşıb
Aygün Fətullayeva -
Könül İsmayılova LAÇINDAN yazdı
“Təhsildə inkişaf və innovasiyalar üzrə IV qrant müsabiqəsi”nə layihələrin qəbulu başa çatıb...
Azyaşlıların kiçik dünyalarından böyük dünyaya İSMARIŞ - VİDEO
Müəllim olmaq istəyənlərə şad xəbər
Qusar sakinlərinin çoxdan gözlədiyi SƏRƏNCAM
Regionlarda da ictimai nəqliyyat vasitələrində şəffaf arakəsmələr quraşdırılır
“EuroHome”dakı yanğınla bağlı əməliyyat müşavirəsi keçirilib
Tanınmış ifaçı Mehrim Hüseyn yeni mahnısını ictimayyətə təqdim edib
Heydər Əliyevin anadan olmasının 97-ci ildönümüdür
İlham Əliyev və Mehriban Əliyeva Həzi Aslanovun məzarını ziyarət ediblər - FOTO
Ramil Usubov:
“Peşəkar  fəaliyyətləri ilə insanlara örnək olan FUAD ƏHMƏDOV.”
Vilayət Eyvazov idarə rəislərinə tapşırıqlar verdi - FOTO
Azərbaycanda daha 143 nəfər koronavirusa yoluxub
Prezident İlham Əliyev Heydər Əliyevin doğum günü münasibətilə video paylaşıb - VİDEO
Azərbaycanda koronavirusla bağlı komendant saatı tətbiq edilə bilər
DMX əcnəbilərə göstərdiyə xidmətlərə dəyişiklik etdi
Rusiya koronavirusa yoluxanların sayına görə İranı geridə qoydu
Milli Məclisin növbəti iclasının gündəliyinə 26 məsələ daxildir
Ünvanlı dövlət sosial yardım alanlar üçün MÜHÜM XƏBƏR
190 manat üçün müraciət edənlərin nəzərinə: Cavab gəlməyibsə...
Copyright © 2011 Melumat-Merkezi.az | Design by Melumat-Merkezi.az
Elan,Reklam,Təbriklərinizi bu bölmədə yerləşdirə bilərsiniz.