"Qala " Taekvondo Klubunun idmançıları  2019-cu ildə bir sıra uğurlara imza atıb.  Klub idmançıları il boyu bir sıra beynəlxalq və yerli əhəmiyyətli turnirlərdə iştirak edərək yuksək nəticələr qazanıblar.  Dekabrın 24-28 arasında  keçirilən Azərbaycan Çempionatında da  klub idmançıları fərqləniblər. Respublikanın əməkdar məşqçisi, dördüncü dan qara kəmər Ramil Həsənovun və tanınmış idman ustası  Fatma Əliyevanın yetirmələri Azərbaycan çempionatında tatami üzərinə çıxıblar.  Yeniyetmələr arasında klubun idmançıları Mircəfər Cabbarov və Nihad  Cavadlı III yerə layiq görülərək respublika 

üçuncusu olublar.  Gənclərin Respublika çempionatının ilk günündə  isə Xanmurad Süleymanov III, ikinci günü isə Elmir İsmayıl zadə II, Rəvan Məmmədzadə III yer qazanıblar. 

Yetirmələrinin nailiyyətindən razı qalan  "Qala " Taekvondo Klubunun rəhbəri Ramil Həsənov bildirdi ki, yetirmələri səy göstərərək  respublika  II və III olmağı bacarıblar..."Mən yetirmələrinin nəticələrindən narazı deyiləm.  Hesab edirəm ki, gələcəkdə onlar daha böyük nailiyyətlərə imza atacaqlar "-deyə R.Həsənov bildirdi. 

İradə SARIYEVA

 

 

 

(səs: 0)